Në KESCO, përgjegjësia shoqërore korporative është një nga shtyllat kryesore të misionit tonë, që përcakton mënyrën si angazhohemi me punonjësit tanë, konsumatorët dhe komunitetin më të gjerë. Përkushtimi ynë ndaj qëndrueshmërisë, drejtësisë sociale, edukimit dhe etikës korporative na shtyn të integrojmë praktika të përgjegjshme në çdo aspekt të veprimtarisë sonë. Kjo strategji e CSR-së pasqyron përkushtimin tonë për të nxitur ndikim të qëndrueshëm, për të fuqizuar individët dhe për të ndërtuar një të ardhme më të qëndrueshme dhe gjithëpërfshirëse për Kosovën.

Misioni dhe Vizioni i CSR-së

Në KESCO, përgjegjësia shoqërore korporative është në thelb të vlerave dhe veprimtarisë sonë. Misioni ynë është të nxisim zhvillimin e qëndrueshëm, të fuqizojmë komunitetet dhe të promovojmë përgjegjësinë shoqërore përmes iniciativave që mbështesin mbrojtjen e mjedisit, barazinë gjinore, edukimin, shëndetin dhe përfshirjen e komunitetit. Ne besojmë se si ofrues i energjisë, kemi detyrë të krijojmë ndikim pozitiv në shoqëri dhe mjedis, duke garantuar një të ardhme më të mirë për gjeneratat që vijnë.

Vizioni ynë është të jemi një qytetar/e korporativ/e udhëheqës/e, ku qëndrueshmëria, inovacioni dhe gjithëpërfshirja formësojnë qasjen tonë ndaj biznesit. Synojmë të frymëzojmë ndryshim pozitiv përmes investimeve të vazhdueshme në njerëz, në mjedis dhe në praktika të përgjegjshme të biznesit.

Strategjia jonë e CSR fokusohet në pesë fusha kryesore:

• Qëndrueshmëria mjedisore
• Investimi në të ardhmen e Kosovës
• Barazia gjinore dhe fuqizimi i grave
• Shëndeti dhe mirëqenia sociale
• Angazhimi i punonjësve dhe zhvillimi i komunitetit

Që nga fillimi i operimit të saj, KESCO ka zbatuar qindra projekte dhe iniciativa për komunitetin bazuar në këto fusha kyçe. Këto përpjekje janë në përputhje me objektivat tona për të krijuar ndikim të qëndrueshëm dhe për të kontribuar në një shoqëri të fuqizuar dhe të qëndrueshme.